Edi Rama vazhdon sot takimet me liderët e partive politike

Në ditën e dytë të vizitës në Kosovë, kryeministri i Shqipërisë, Edi Rama, do të vazhdojë takimet me liderët e partive politike.

Rama do të zhvillojë takime me kryetarin e LDK-së, Isa Mustafa nga ora 09:00, atë të AKR-së, Behgjet Pacollin nga ora 12:00 dhe kryetarin e Prishtinës, Shpend Ahmeti nga ora 13:00.

Po ashtu, në agjendë nga ora 11:00 është paraparë edhe një takim me kryetarin e AAK-së, Ramush Haradinaj.

Në fund të vizitës së tij në Kosovë, Rama pritet të mbajë edhe një konferencë për media. Vizita e kryeministrit Rama në Kosovë vjen pasi Gjykata Speciale publikoi propozim-aktakuzën ndaj presidentit Hashim Thaçi dhe kryetarit të PDK-së Kadri Veseli për kinse krime lufte.