A do të ndryshojnë masat, Qeveria në detyrë sapo mori këtë vendim

Shpërndaje

Vendimi i Qeverisë: Nuk ndryshojnë masat, mbesin të njëjta.

Kryeministri në detyrë i Republikës së Kosovës, Avdullah Hoti, ka bërë të ditur se nuk ka ndryshime të masave anti-COVID, por do të mbesin në fuqi masat aktuale.

Hoti përmes një postimi në rrjetin social Facebook, tha se ky vendim u mor nga takimi i përbashkët i ministrit të Shëndetësisë, Armend Zemaj, drejtorit të IKSHPK-së Naser Ramadani dhe drejtorit të SHSKUK-së, Valbon Krasniqi.

Tutje ai bën thirrje tek qytetarët që të respektojnë masat anti-COVID, ndërsa nga institucionet përgjegjëse të shtojnë angazhimin për parandalimin, menaxhimin dhe kontrollin e infeksionit COVID-19 përmes respektimit rigoroz të masave në fuqi.

Ndryshe në 24 orët e fundit, tetë persona kanë humbur jetën si pasojë e infektimit me coronavirus, teksa janë konfirmuar edhe 632 raste të reja pozitive, shifër kjo më e larta për vitin 2021.

Po ashtu në raportin ditor të IKSHPK-së bëhet e ditur se janë shëruar edhe 397 pacientë që ishin të infektuar me virusin SARS CoV-2.

Numri total i rasteve pozitive është 75.380 raste nga 345.064 persona të dyshimtë në virusin SARS-CoV-2 dhe 1.682 raste të vdekjes.

Numri i përgjithshëm i të shëruarve deri më sot është gjithsej 63.380 raste, kurse numri i rasteve aktive është 10.318.

Shpërndaje

Lajmet e fundit qe mund ti lexoni...
Lajme te ndryshme te rendeishme shqip