Nga lufta në Ukrainë, çmimet globale të ushqimeve janë rritur deri në 34 %

Lufta mes Ukrainës dhe Rusisë, ka sjellë shumë probelme.

Samantha Power, administratorja e Agjencisë së SHBA për Zhvillim Ndërkombëtar, tha se ndikimet e luftës në Ukrainë përfshijnë mungesat dhe çmimet e larta globale të ushqimit, duke thënë se “puna jonë është ta shikojmë atë globalisht” kur u pyet nëse pasojat në mbarë botën reflektojnë një luftë botërore që po fillon, shkruan CNN.

“Është vetëm një tjetër efekt katastrofik i pushtimit të paprovokuar të Ukrainës nga Putini,” tha Power.

Kjo vjen pasi Presidenti i SHBA Joe Biden i bëri presion Kongresit të që të konsideronte furnizimin e Ukrainës me një paketë shtesë ndihme prej 33 miliardë dollarësh, me 3 miliardë dollarë të ndara për ndihmën humanitare dhe financimin e sigurisë ushqimore.

“Çmimet e ushqimeve, për momentin, globalisht, janë rritur 34 për qind nga ku ishin një vit më parë. Të ndihmuar në mënyrë thelbësore, përsëri, nga ky pushtim,” tha Power.

Ajo vazhdoi: “Ne me të vërtetë kemi nevojë për këtë mbështetje financiare nga Kongresi për të qenë në gjendje të plotësojmë nevojat emergjente për ushqim, në mënyrë që të mos shohim efektet vdekjeprurëse të luftës së Rusisë të shtrihen në Afrikë dhe më gjerë.”

Power vuri në dukje se shumë vende në Afrikën Sub-Sahariane dhe në Lindjen e Mesme e marrin pjesën më të madhe të grurit të tyre nga Ukraina, ku fermerët po përpiqen të mbjellin dhe korrin të korrat e tyre nga frika e granatimeve dhe minave tokësore ruse, tha ajo.

Rruga e tyre drejt eksportimit të këtyre produkteve jetike kufizohet më pas nga pushtimi i Rusisë, i cili shkaktoi mbylljen e porteve të Ukrainës

Lajmet e fundit qe mund ti lexoni...
Lajme te ndryshme te rendeishme shqip