Raportohej e zhdukur, policia gjen vajzën e mitur nga Prizreni

Shpërndaje

Policia e gjen vajzën e mitur nga Prizreni që raportohej e zhdukur.

Me datën 11 mars 2021, prindi i një vajze të mitur kishte informuar policinë në Prizren se vajza e tij 14-vjeçare nuk ishte kthyer në shtëpi pasi kishte përfunduar mësimin në shkollë.

Policia në Prizren në bazë të deklaratës së prindit, kishte inicuar rastin për zhdukje të personit dhe menjëherë ka filluar hetimet dhe hulumtimet për gjetjen e vajzës së mitur.

Gjatë zhvillimit të hetimeve përmes rrugëve operative, forcat e rendit kanë pranuar informacion për vendndodhjen e vajzës së mitur dhe me këtë rast i ka informuar prindërit e vajzës së zhdukur.

Pas kësaj, policia së bashku me prindërit e kanë kthyer vajzën e zhdukur në shtëpi. E njëjta raportohet të jetë larguar edhe më herët nga shtëpia e prindërve.

Në lidhje më këtë është informuar edhe prokurori kujdestar. Njësiti i hetimeve rajonale në Prizren është duke e trajtuar këtë rast.

Shpërndaje

Lajmet e fundit qe mund ti lexoni...
Lajme te ndryshme te rendeishme shqip