Të infektuar me COVID-19 dolën jashtë, Policia i gjobit me nga 500 euro

Shpërndaje

Policia gjobitë me nga 500 euro personat me COVID-19 që nuk e kanë respektuar izolimin në Kamenicë.

Në kuadër të menaxhimit të situatës me COVID-19 dhe pas raportimeve nga qytetarët, Policia e Kosovës ka filluar aksion për identifikimin e të gjithë personave me COVID-19, të cilët e kanë thyer izolimin në Kamenicë.

Sipas Policisë, këta persona që qytetarët i kanë lajmëruar pranë institucioneve të sigurisë, do të monitorohen vazhdimisht dhe identifikimi i tyre është bërë me foto, kamera të sigurisë dhe forma të tjera.

Ndër të tjera, nga Stacioni Policor në Kamenicë, thuhet se ata që e kanë thyer izolimin janë dënuar me nga 500 euro, sipas legjislacionit në fuqi.

Apelojnë tek qytetarët që kushdo që ka informata se personat e identifikuar me #COVID19, kanë thyer izolimin, ose janë parë jashtë duke kryer shërbime, t’i lajmërojnë në Polici.

Kujtojmë se personat e infektuar, izolimin mund ta thyejnë vetëm për të marrë tretman mjekësor, pasi e kanë lajmëruar paraprakisht shtabin emergjent komunal.

Ky aksion nga Policia, është ndërmarrë për parandalimin e përhapjes së virusit.

Bëjmë thirrje tek qytetarët të bëjnë kujdes dhe të respektojnë izolimin, sepse nuk mund të rrezikoni jetën e dikujt tjetër.

Shpërndaje

Lajmet e fundit qe mund ti lexoni...
Lajme te ndryshme te rendeishme shqip