Devolli Corporation, marrëveshje bashkëpunimi me Odat Ekonomike të Arabisë Saudite
Devolli Corporation ka nënshkruar marrëveshje bashkëpunimi me Federatën e Odave Ekonomike të Arabisë Saudite në kuadër të Panairit të Përgjithshëm Ndërkombëtar “Prishtina 2024”. Kështu ka njoftuar Oda Ekonomike e Kosovës, e cila thotë se ky bashkëpunim shënon një hap të rëndësishëm në forcimin e lidhjeve ekonomike dhe tregtare ndërmjet Kosovës dhe Arabisë Saudite. Kryetari i […]
![Devolli Corporation, marrëveshje bashkëpunimi me Odat Ekonomike të Arabisë Saudite](https://orainfo.net/wp-content/uploads/2024/05/650901-devolli-corporation-marreveshje-bashkepunimi-me-odat-ekonomike-te-arabise-saudite.jpg)
![devolli-corporation,-marreveshje-bashkepunimi-me-odat-ekonomike-te-arabise-saudite](https://orainfo.net/wp-content/uploads/2024/05/650901-devolli-corporation-marreveshje-bashkepunimi-me-odat-ekonomike-te-arabise-saudite-1024x768.jpg)
Devolli Corporation ka nënshkruar marrëveshje bashkëpunimi me Federatën e Odave Ekonomike të Arabisë Saudite në kuadër të Panairit të Përgjithshëm Ndërkombëtar “Prishtina 2024”.
Kështu ka njoftuar Oda Ekonomike e Kosovës, e cila thotë se ky bashkëpunim shënon një hap të rëndësishëm në forcimin e lidhjeve ekonomike dhe tregtare ndërmjet Kosovës dhe Arabisë Saudite.
Kryetari i Odës Ekonomike të Kosovës, Lulzim Rafuna, shprehu kënaqësinë dhe mbështetjen e tij për këto marrëveshje, duke theksuar rëndësinë e tyre për zhvillimin ekonomik dhe rritjen e bashkëpunimit ndërkombëtar.
Rafuna deklaroi se këto marrëveshje do të krijojnë mundësi të reja për investime dhe partneritete biznesore, duke kontribuar në përmirësimin e mjedisit të biznesit dhe rritjen e eksportit nga Kosova.
Siç njofton OEK, këto marrëveshje janë rezultat i përpjekjeve të përbashkëta të Odës Ekonomike të Kosovës me kompanitë vendore, për të zgjeruar mundësitë ekonomike të Kosovës dhe për të krijuar ura të reja bashkëpunimi me partnerët ndërkombëtarë.
Panairi i Përgjithshëm Ndërkombëtar “Prishtina 2024” vazhdon të jetë një platformë e rëndësishme për promovimin e biznesit dhe investimeve në Kosovë, duke ofruar mundësi të shumta për rrjetëzim dhe bashkëpunim.