Greqia do të mbyll kufijtë për dy ditë për shkak të grevave të punëtorëve
Greqia do të ketë të mbyllur kufinjtë për 48 orë si pasojë e një greve nga punëtorët e shërbimit doganor grek, transmeton REL. Ministria e Punëve të Jashtme dhe Diasporës së Kosovës, më 1 prill ka njoftuar shtetasit kosovarë që duan të vizitojnë Greqinë, për këtë mbyllje të paralajmëruar. Sipas këtij njoftimi, mbyllja e kufinjve […]
![Greqia do të mbyll kufijtë për dy ditë për shkak të grevave të punëtorëve](https://i0.wp.com/portalb.mk/wp-content/uploads/2023/06/Kufiri-ndermjet-Maqedonise-se-Veriut-dhe-Greqise-Evzoni.-Foto-nga-Faton-Curri-Portalb.mk_.webp?fit=1024%2C556&quality=80&ssl=1)
![Kufiri ndërmjet Maqedonisë së Veriut dhe Greqisë. Foto nga Faton Curri / Portalb.mk](https://portalb.mk/wp-content/uploads/2023/06/Kufiri-ndermjet-Maqedonise-se-Veriut-dhe-Greqise-Evzoni.-Foto-nga-Faton-Curri-Portalb.mk_.webp)
Greqia do të ketë të mbyllur kufinjtë për 48 orë si pasojë e një greve nga punëtorët e shërbimit doganor grek, transmeton REL.
Ministria e Punëve të Jashtme dhe Diasporës së Kosovës, më 1 prill ka njoftuar shtetasit kosovarë që duan të vizitojnë Greqinë, për këtë mbyllje të paralajmëruar.
Sipas këtij njoftimi, mbyllja e kufinjve hyn në fuqi nga data 2 prill 2024, me fillim në ora 06:00 të mëngjesit e deri me datën 4 prill 2024, në ora 06:00 të mëngjesit.
“Kalimi i kufirit do të lejohet vetëm për këmbësorët, pa bagazhe dhe për personat me probleme serioze shëndetësore”, ka njoftuar MPJD-ja.
Ata po ashtu kanë shtuar se shtetasit e Kosovës që mund të kenë nevojë për informacione shtesë inkurajohen të kontaktojnë Zyrën e Interesave të Kosovës në Athinë në numrin e telefonit “+30 210 721 1711”.
Greqia është destinacion i shpeshtë i udhëtarëve nga Kosova, sidomos pas heqjes së regjimit të vizave nga 1 janari i vitit 2024.