Kadrijaj: Në front u mobilizuan qytetarë nga fshati e qyteti mjekë, mësues që i dolën zot vendit
Deputetja e Aleancës për Ardhmërinë e Kosovës, Time Kadrijaj në seancën solemne të Kuvendit të Kosovës në 25 vjetorin e Betejës së Koshares, ka thënë se në front u mobilizuan qytetarë nga fshati e qyteti mjekë, mësues, të tjerë nga diaspora që i dolën zot vendit. “ Kufiri që ndau vëllezërit e një gjaku dhe […]
![Kadrijaj: Në front u mobilizuan qytetarë nga fshati e qyteti mjekë, mësues që i dolën zot vendit](https://orainfo.net/wp-content/uploads/2024/04/637198-kadrijaj-ne-front-u-mobilizuan-qytetare-nga-fshati-e-qyteti-mjeke-mesues-qe-i-dolen-zot-vendit.png)
![kadrijaj:-ne-front-u-mobilizuan-qytetare-nga-fshati-e-qyteti-mjeke,-mesues-qe-i-dolen-zot-vendit](https://orainfo.net/wp-content/uploads/2024/04/637198-kadrijaj-ne-front-u-mobilizuan-qytetare-nga-fshati-e-qyteti-mjeke-mesues-qe-i-dolen-zot-vendit-1024x586.png)
Deputetja e Aleancës për Ardhmërinë e Kosovës, Time Kadrijaj në seancën solemne të Kuvendit të Kosovës në 25 vjetorin e Betejës së Koshares, ka thënë se në front u mobilizuan qytetarë nga fshati e qyteti mjekë, mësues, të tjerë nga diaspora që i dolën zot vendit.
“ Kufiri që ndau vëllezërit e një gjaku dhe një gjuhe, Epopeja e UÇK-së e në fillimin e muajt mars në Prekaz ra për të mos vdekur kurrë komandanti Adem Jashari, për të vazhduar në Epopenë e Dukagjinit dhe në gjithë Kosovën. Ishte e vetmja formë e përgjigjes, lufta e armatosur. Në front u mobilizuan qytetarë nga fshati e qyteti mjekë, mësues, tjerë nga diaspora që i dolën zot vendit. Ishte bekim që kishim përkrahjen edhe nga Shqipëria. Nuk ka ndjenjë më të mirë se mu beku me flamurin kuq e zi. Unë ushtar i UÇK-së betohem se do luftoj për çlirimin e tokave shqiptare do jem përherë besnik vigjilent e i disiplinuar i gatshëm në çdo kohë do luftojë për të mbrojtur atdheun. Të gatshëm ishim edhe ne mjekët në natë të errët dhe acar ecëm për të mos u vërejtur nga forcat e armikut”, ka thënë Kadrijaj.
Deputetja Kadrijaj ka shtuar se për ne të gjallët më e pakta që mund të themi është nderim për heronjtë e këtij vendi Kosova është amanet i dëshmorëve.
“Kohët e vështira sjellin njerëz të zotë e njerëz të zotë kohët e mira. Përballë rrugës ranë mbi 423 të plagosur ndanë jetën me vdekjen për t’i dhënë lirinë Kosovës. Për ne të gjallët më e pakta që mund të themi është nderim për heronjtë e këtij vendi Kosova është amanet i dëshmorëve”, ka shtuar Kadrijaj.