Kamala Harris kryeson ndaj Trumpit, sipas sondazhit të Reuters

Zëvendëspresidentja Kamala Harris ka një epërsi të ngushtë me dy pikë në shkallë kombëtare ndaj republikanit Donald Trump pasi Joe Biden dha dorëheqjen dhe shpalli kandidaturën e saj, sipas një sondazhi të Reuters/Ipsos.

Sondazhi, i kryer të hënën dhe të martën, vjen pas Konventës Kombëtare Republikane ku Trump pranoi zyrtarisht nominimin e partisë së tij të enjten dhe pasi Biden njoftoi të dielën se ai do të largohej nga gara dhe do të mbështeste Harris.

Harris, stafi i së cilës tha se ajo ka siguruar delegatët për të mbështetur kandidaturën e saj, kryeson ndaj Trump me 44% në sondazhin kombëtar.

Sondazhi i fundit pasqyron gjithashtu sesi votuesit e gjykojnë vendimin e Biden për t’u larguar, por edhe shpalljen e kandidaturës së Harris.

Rreth 56 për qind e votuesve të regjistruar thanë po nëse mendonin se Harris, 59 vjeç, ishte “mendërisht e mprehtë dhe e aftë për të përballuar sfidat”, krahasuar me 49 për qind që thanë të njëjtën gjë për Trump, 78 vjeç. Vetëm 22% e votuesve e vlerësuan Biden pozitivisht për këtë pyetje./abcnews.al