Lufta në Ukrainë, Kremlini hedh poshtë idenë e Zelenskyt për planin e paqes

Moska ka hedhur poshtë sugjerimin e Volodymyr Zelenskyt se Kievi do të paraqesë një plan në Uashington se si t’i jepet fund luftës.

Presidenti i Ukrainës tha dje se pushtimi do të përfundonte me dialog, por se Kievi duhej të ishte në një pozicion të fortë për këtë. Ai tha se do t’i paraqiste një plan Joe Biden dhe dy pasardhësve të tij të mundshëm, Kamala Harris dhe Donald Trump.

Duke iu përgjigjur kësaj, Kremlini tha se Moska do të vazhdojë luftimet. “Kjo nuk është hera e parë që kemi dëgjuar deklarata të tilla nga përfaqësues të regjimit të Kievit. Ne jemi të vetëdijshëm për natyrën e këtij regjimi të Kievit. Ne po vazhdojmë operacionin tonë special ushtarak dhe do të arrijmë të gjitha qëllimet tona,” tha Dmitry Peskov.

/abcnews.al