Mbështetja e Putin për Kamala, reagon Trump: Nuk e di nëse më ka bërë nder apo ofenduar

Ish-presidenti i SHBA-së, Donald Trump tha të enjten se nuk e di “saktësisht” se çfarë të thotë pasi udhëheqësi rus tha se mbështeste Zëvendës Presidenten Kamala Harris në zgjedhjet presidenciale të nëntorit.

“Putin mbështeti Kamalën, dhe unë nuk e dija se çfarë supozohej të bëja, ta telefonoja dhe t’i thosha, ‘Faleminderit shumë. Unë e vlerësoj. Nuk e di saktësisht se çfarë të them për këtë. Nuk e di nëse jam fyer apo nëse ai më ka bërë një nder,” tha Trump.

Komentët e tij erdhën pasi Vladimir Putin tha se Rusia mbështet Harris, i cili zëvendësoi Presidentin e SHBA-së Joe Biden pas tërheqjes së tij nga gara.

“Unë thashë se i preferuari ynë, nëse mund të them kështu, ishte presidenti në detyrë Biden. Ai u tërhoq nga gara, dhe rekomandoi që të gjithë mbështetësit e tij të mbështesin Harris. Pra, ne do të bëjmë të njëjtën gjë, ne do mbështesin atë”, tha Putin në një forum ekonomik në Rusi.

Presidenti rus më pas bëri shaka se e qeshura e Harris është infektuese.

“Putini duhet të ndalojë së foluri për zgjedhjet tona, pikë. Ai nuk duhet të favorizojë askënd në një mënyrë apo tjetër,” u tha gazetarëve John Kirby, zëdhënës i Këshillit të Sigurisë Kombëtare të SHBA.

Kirby shtoi se Putini “duhet të ndalojë gjithashtu ndërhyrjen” në zgjedhje, një ditë pasi SHBA njoftoi akuzat për përpjekjet e supozuara ruse për të ndikuar në zgjedhjet e 5 nëntorit.

/abcnews.al