Edhe sot mot i paqëndrueshëm/ DPHM paralajmëroi sërish reshje shiu me erë

Drejtoria për punë hidrometeorologjike ka paralajmëruar edhe për sot mot me vranësira reshje të shiut dhe erë. Përgjatë rajonit të Vardarit, moti do të jetë me erë të fortë veriore.

Në orët e pasdites pritet shi i rrëmbyeshëm dhe bubullima të kohëpaskohshme, posaçërisht në pjesët lindore të vendit, ku parashikohet që reshjet e shiut të jenë në formë të stuhisë që do të zgjasë shkurt.

Temperatura maksimale do të jenë në interval prej 26 deri më 33 shkallë. Në Shkup, moti do të jetë i ndryshueshëm me vranësira me erë mesatare veriore. Në orët e pasdites, në disa pjesë të luginës do të ketë reshje të rrëmbyeshme dhe bubullima të herëpashershme. /tvklan.mk/

The post Edhe sot mot i paqëndrueshëm/ DPHM paralajmëroi sërish reshje shiu me erë appeared first on Flaka, në çdo lajm... .