Kroacia me mbështetje për vendet e Ballkanit Perëndimor drejt anëtarësimit në BE
Ministri i Punëve të Jashtme dhe Evropiane të Kroacisë, Gordan Grliq Radman, ishte pjesëmarrës në takimin e vendeve anëtare të Bashkimit Evropian “Miqtë e Ballkanit Perëndimor” që u mbajt në Vjenë. Në këtë takim, Radman konfirmoi mbështetjen e Kroacisë për vendet e Ballkanit Perëndimor në rrugën drejt anëtarësimit në Bashkimin Evropian. “Në mbledhjen e sotme […]
![Kroacia me mbështetje për vendet e Ballkanit Perëndimor drejt anëtarësimit në BE](https://orainfo.net/wp-content/uploads/2024/06/655945-kroacia-me-mbeshtetje-per-vendet-e-ballkanit-perendimor-drejt-anetaresimit-ne-be.jpg)
![kroacia-me-mbeshtetje-per-vendet-e-ballkanit-perendimor-drejt-anetaresimit-ne-be](https://orainfo.net/wp-content/uploads/2024/06/655945-kroacia-me-mbeshtetje-per-vendet-e-ballkanit-perendimor-drejt-anetaresimit-ne-be-1024x550.jpg)
Ministri i Punëve të Jashtme dhe Evropiane të Kroacisë, Gordan Grliq Radman, ishte pjesëmarrës në takimin e vendeve anëtare të Bashkimit Evropian “Miqtë e Ballkanit Perëndimor” që u mbajt në Vjenë.
Në këtë takim, Radman konfirmoi mbështetjen e Kroacisë për vendet e Ballkanit Perëndimor në rrugën drejt anëtarësimit në Bashkimin Evropian.
“Në mbledhjen e sotme u miratua Deklarata, e cila synon të inkurajojë vendet fqinje në rrugën evropiane, bazuar në arritjet e tyre, duke afirmuar vlerat e përbashkëta, sundimin e ligjit dhe forcimin e bashkëpunimit në fushën e politikës së përbashkët të jashtme dhe të sigurisë”.
“Ata diskutuan bashkëpunimin ekonomik, duke përfshirë Planin e Rritjes për Ballkanin Perëndimor. Republika e Kroacisë mbështet forcimin e bashkëpunimit ekonomik në zonën e Ballkanit Perëndimor me qëllim reduktimin e hendekut ekonomik. Hyrja e vendeve të Evropës Juglindore në tregun e përbashkët do të inkurajojë më tej investimet dhe do të mundësojë rritje më të fortë ekonomike dhe bashkëpunim të ndërsjellë”, thuhet në njoftimin e MPJ-së kroate, transmeton Klankosova.tv.
Më tej, ministria e Punëve të Jashtme kroate tha se Kroacia është e përkushtuar ndaj rritjes së diversifikimit të energjisë në rajon, në mënyrë që sipas tyre, të lidhet më mira Evropa Qendrore me atë Juglindore dhe të arrihet një siguri më e madhe energjetike.
“Republika e Kroacisë mbështet Planin e Rritjes për Ballkanin Perëndimor si një pjesë kyçe e transformimit të këtyre vendeve në rrugën evropiane”, thuhet në njoftim.
Pjesë e takimit të vendeve anëtare të BE-së “Miqtë e Ballkanit Perëndimor” që u mbajt në Vjenë ishte edhe Kosova, e cila u përfaqësua nga ministrja e Jashtme, Donika Gërvalla.