Izraeli thirri ambasadoren sllovene për njohjen e shtetit palestinez
Ministria e Jashtme izraelite thirri të hënën ambasadoren sllovene në vend, Andreja Purkart Martinez, për të protestuar kundër njohjes së fundit të shtetit të Palestinës nga autoritetet e Lubjanës, të cilët ndoqën gjurmët e Spanjës, Norvegjisë dhe Irlandës, raporton ABC. Sipas diplomacisë izraelite, drejtori i përgjithshëm i Ministrisë së Jashtme Yaakov Blitshtein ka thënë fjalë […]
![Izraeli thirri ambasadoren sllovene për njohjen e shtetit palestinez](https://i0.wp.com/portalb.mk/wp-content/uploads/2023/05/thumbs_b_c_ba1c0f7fca077e9d0c0943a9eff49ed7.jpg?fit=864%2C486&quality=89&ssl=1)
![Palestinë, Izrael, foto: Anadolu Agency](https://portalb.mk/wp-content/uploads/2023/05/thumbs_b_c_ba1c0f7fca077e9d0c0943a9eff49ed7.jpg)
Ministria e Jashtme izraelite thirri të hënën ambasadoren sllovene në vend, Andreja Purkart Martinez, për të protestuar kundër njohjes së fundit të shtetit të Palestinës nga autoritetet e Lubjanës, të cilët ndoqën gjurmët e Spanjës, Norvegjisë dhe Irlandës, raporton ABC.
Sipas diplomacisë izraelite, drejtori i përgjithshëm i Ministrisë së Jashtme Yaakov Blitshtein ka thënë fjalë “qortimi” për ambasadoren sllovene për vendimin e marrë, për të cilën thotë se “bie ndesh me politikën e Bashkimit Evropian dhe qëndrimin e shumicës së vendeve me qëndrim të njëjtë”.
“Drejtori i Përgjithshëm theksoi se kjo njohje nga qeveria sllovene nuk promovon paqen, inkurajon organizatën terroriste Hamas dhe e bën më të vështirë arritjen e një marrëveshjeje për lirimin e pengjeve”, tha zëdhënësi i ministrisë së Jashtme izraelite Oren Marmorstein.
Marmorstein kujtoi se vendimi i shpallur nga Lubjana një javë më parë u mirëprit nga Hamasi, i cili përfaqëson “provë të mëtejshme se ai është një shpërblim për terrorizmin”