Policia e Tropojës del me njoftim: Kemi kërkuar helikopter, për të nxjerrë trupin e pajetë të kosovarit
Policia e Tropojës ka dal me njoftim lidhur me qytetarin nga Kosova që ra në greminë në vendin e quajtur “Maja e Thatë” në Valbonë. Sipas policisë, ai ka humbur jetën. Ndërkohë, shërbimet e komisariatit janë nisur drejt adresës së dhënë, së bashku me grupin e Emergjencave Civile të Tropojës. Në ndihmë u ka dalë […]
![Policia e Tropojës del me njoftim: Kemi kërkuar helikopter, për të nxjerrë trupin e pajetë të kosovarit](https://orainfo.net/wp-content/uploads/2024/07/664142-policia-e-tropojes-del-me-njoftim-kemi-kerkuar-helikopter-per-te-nxjerre-trupin-e-pajete-te-kosovarit.jpg)
![policia-e-tropojes-del-me-njoftim:-kemi-kerkuar-helikopter,-per-te-nxjerre-trupin-e-pajete-te-kosovarit](https://orainfo.net/wp-content/uploads/2024/07/664142-policia-e-tropojes-del-me-njoftim-kemi-kerkuar-helikopter-per-te-nxjerre-trupin-e-pajete-te-kosovarit-1024x682.jpg)
Policia e Tropojës ka dal me njoftim lidhur me qytetarin nga Kosova që ra në greminë në vendin e quajtur “Maja e Thatë” në Valbonë. Sipas policisë, ai ka humbur jetën.
Ndërkohë, shërbimet e komisariatit janë nisur drejt adresës së dhënë, së bashku me grupin e Emergjencave Civile të Tropojës.
Në ndihmë u ka dalë edhe Shërbimi i Kërkim-Shpëtimit Malor të Kosovës.
Njoftimi i Policisë:
Më datë 26.07.2024, rreth orës 17:10, Salla Operative e Komisariatit të Policisë Tropojë ka marrë njoftim se 1 shtetas kosovar, në vendin e quajtur “Maja e Thatë”, Valbonë, dyshohet se për shkak të terrenit të thepisur malor, ka rënë nga një lartësi dhe dyshohet se ka humbur jetën.
Pas marrjes së njoftimit, shërbimet e Komisariatit të Policisë Tropojë, janë nisur drejt adresës së dhënë, së bashku me grupin e Emergjencave Civile të Tropojës.
Për shkak të terrenit të thepisur malor është kërkuar ndërhyrja me helikopterin e Ministrisë së Mbrojtjes, për të lokalizuar dhe nxjerrë trupin e pajetë të shtetasit kosovar nga zona ku ka rënë./Front Online/