Rritje e numrit të ekspozitave në Maqedoninë e Veriut, por është zvogëluar numri i vizitorëve
Në Maqedoninë e Veriut gjatë vitit të kaluar janë regjistruar 554 ekspozita të organizuara artistike, duke shënuar rritje për 3.2 përqind në krahasim me vitin paraprak, transmeton Portalb.mk. “Në periudhën e njëjtë, për 27.3 %, është rritur numri i artistëve – pjesëmarrësve në ekspozita, kurse numri i vizitorëve të ekspozitave artistike është zvogëluar për 13.3 […]
![Rritje e numrit të ekspozitave në Maqedoninë e Veriut, por është zvogëluar numri i vizitorëve](https://i0.wp.com/portalb.mk/wp-content/uploads/2024/03/1711111562519-01.jpeg?fit=1024%2C683&quality=89&ssl=1)
![Ekspozita "Reflektime parisiane 3" me rastin e Ditës Ndërkombëtare të Frankofonisë. Foto: Galeria Nacionale](https://portalb.mk/wp-content/uploads/2024/03/1711111562519-01.jpeg)
Në Maqedoninë e Veriut gjatë vitit të kaluar janë regjistruar 554 ekspozita të organizuara artistike, duke shënuar rritje për 3.2 përqind në krahasim me vitin paraprak, transmeton Portalb.mk.
“Në periudhën e njëjtë, për 27.3 %, është rritur numri i artistëve – pjesëmarrësve në ekspozita, kurse numri i vizitorëve të ekspozitave artistike është zvogëluar për 13.3 %”, raportoi Enti Shtetëror i Statistikave, duke theksuar që në vitin 2023 janë organizuar 18 koloni artistike.
Në 554 ekspozitat e artit, kanë marrë pjesë gjithsej 172 814 vizitorë, ashtu që 141 439 vizitorë ishin në ekspozitat e artistëve vendor.
Në muzetë e Maqedonisë së Veriut në vitin 2023 kanë marrë pjesë 19 713 vizitorë, 35 900 në galeritë artistike, 16 361 në shtëpitë e kulturës, 1 000 në ASHAM, 86 255 në qendrat për kulturë, 6 800 në shoqëritë artistëve dhe 6785 në hapësirat tjera.