VIDEO/ Krijohet një kukull Barbie për fëmijët e verbër
Kompania amerikane Mattel prodhoi kukullën e parë Barbie që është e verbër dhe mban një shkop, në mënyrë që të krijojë ndjenjën e përkatësisë tek fëmijët me probleme me shikimin. Gjashtë dekada pas Barbies së parë, kompania vendosi të prodhojë këtë lloj kukulle për ta bërë ofertën e saj edhe më të larmishme. Qëllimi, siç [...]Read More...
Kompania amerikane Mattel prodhoi kukullën e parë Barbie që është e verbër dhe mban një shkop, në mënyrë që të krijojë ndjenjën e përkatësisë tek fëmijët me probleme me shikimin.
Gjashtë dekada pas Barbies së parë, kompania vendosi të prodhojë këtë lloj kukulle për ta bërë ofertën e saj edhe më të larmishme.
Qëllimi, siç thuhet nga kjo kompani, është që fëmijët që kanë probleme me shikimin ose janë të verbër të përfaqësohen më mirë në shoqëri.
“Ne e kuptojmë se Barbie është shumë më tepër se thjesht një kukull”, tha nënkryetarja e kompanisë Krista Berger, duke shtuar se përmes saj, fëmijët mund të shprehen dhe të fitojnë një ndjenjë përkatësie.
Mattel punoi me Shoqatën Amerikane të të Verbërve për të siguruar që çdo gjë nga sytë e kukullës deri te rrobat të portretizonin me saktësi njerëz të verbër ose me shikim të dobët.
Barbie është e veshur me rroba të bëra prej pëlhure të ndjeshme në prekje që mund të vishen më lehtë, dhe paketimi është i përshtatshëm për fëmijët e verbër me germa Braille.
Toy maker Mattel has added its first-ever blind Barbie doll to its diverse collection pic.twitter.com/1bchiw8FEw
— Reuters (@Reuters) July 24, 2024
Përveç Barbie të verbër, Mattel ka prodhuar edhe kukulla të tjera me karakteristika të veçanta, si kukulla e parë e zezë me sindromën Down, pas versionit të saj të bardhë vitin e kaluar.
Këto dy kukulla janë pjesë e një koleksioni të veçantë që u lançua në vitin 2009 dhe përfshin ndër të tjera kukulla me ngjyra dhe lloje të ndryshme lëkure, si dhe një Barbie që ka proteza dhe përdor karrige me rrota./abcnews.al