Деветтата жртва на убиецот од Младеновац: Почина млад човек ранет во престрелка во Мали Орашје

Денеска почина момчето П.М., кој беше рането во масовното пукање на 4 мај во Мали Орашје.

Тој е деветтата жртва на масовното убиство што се случи ноќта меѓу 4 и 5 мај во Мали Орашје и Дубона, јавува РТС.

П.М. првично беше лекуван во болницата во Смедерево, но поради компликации беше префрлен во Белград.

У.Б. е осомничен дека на 4 мај на територијата на Смедерево и Младеновац уби осум и со истрели од автоматска пушка се обиде да убие 12 лица, соопшти претходно Вишото јавно обвинителство во Смедерево кое ја води истрагата за овој случај.

Да потсетиме, тој е во притвор од 5 мај кога беше уапсен. Неколку дена подоцна, под сомнение дека сторил кривично дело недозволено изработување, држење, носење и тргување со оружје и распрскувачки материи, уапсен е неговиот татко Р.Б.

Текстот Деветтата жртва на убиецот од Младеновац: Почина млад човек ранет во престрелка во Мали Орашје е превземен од А1он.