Драма во Флорида: Се запали автомобил со деца во него, додека мајката крадела од трговскиот центар

Жена од Флорида е уапсена и обвинета откако нејзиниот автомобил се запалил додека нејзините деца биле внатре без надзор.

Идентификувана како Алиша Мур (24), се паркирала на паркингот во Дилард околу пладне на 26 мај, оставајќи две деца во автомобилот, се вели во извештајот за апсење издаден од полицискиот оддел на Овиедо.

Според извештајот, Мур влегла во продавницата каде персоналот ја гледал неа и непознат маж како крадат предмети околу еден час. Мур ја напуштала продавницата кога видела дека нејзиниот автомобил е зафатен од пламен, ја фрлила украдената роба и истрчала од продавницата, соопшти полицијата.

Луѓето кои биле во продавницата и помогнале да се извлечат децата од пламенот, се вели во извештајот. Две деца биле однесени во детската болница Арнолд Палмер, а едно дете се здобило со изгореници од прв степен „на лицето и ушите“, се вели во извештајот, според Си-Ен-Ен.

Текстот Драма во Флорида: Се запали автомобил со деца во него, додека мајката крадела од трговскиот центар е превземен од А1он.