Русија објави: И последниот украински воен брод е уништен во Одеса

Министерството за одбрана на Русија денеска соопшти дека последниот воен брод на Украина е уништен во руски ракетен напад.

„Последниот воен брод на украинската морнарица „Јуриј Олефиренко“ е уништен во военото пристаниште на пристаништето Одеса“, изјави портпаролот на руското Министерство за одбрана Игор Конашенков на редовниот брифинг со новинарите, пренесува Ројтерс.

Конашенков изјави дека овој украински воен брод е погоден со оружје „висока прецизност“, но не даде повеќе детали.

Портпаролот на украинската морнарица Олех Чалик рече дека нема да коментира никакви руски тврдења.

„Украинската морнарица нема да открие никакви информации за своите загуби додека трае војната“, додаде Чалик.

Текстот Русија објави: И последниот украински воен брод е уништен во Одеса е превземен од А1он.