(ВИДЕО) Анастасија е пронајдена гола и завиткана во чаршаф: Детали од истрагата за убиството на девојката на грчкиот остров Кос

Убиството на млада жена од Полска на островот Кос е најновиот фемицид што ја шокираше Грција. 27-годишната Анастасија Рубинска, полска државјанка која исчезна во понеделникот, е пронајдена мртва во неделата.

Нејзиното тело го пронашол волонтер кој се вклучил во интензивната потрага по исчезнатата девојка.

Според АМНА, нејзиното тело било пронајдено голо и завиткано во постелнина, додека горниот дел бил дополнително покриен со најлонска кеса.

По трагичното завршување на потрагата по Рубинска, полицијата сега се фокусира на расветлување на грозоморното злосторство, бидејќи главниот осомничен, кој беше уапсен во саботата, не го признал убиството.

Локацијата каде што Анастасија беше пронајдена мртва, под дрво и покриена со лисја и гранки, е на околу еден километар од домот на 32-годишниот Бангладеш кој беше уапсен претходниот ден под сомнение за киднапирање. Во саботата на половина километар од куќата на пријавениот бил пронајден мобилниот телефон на Рубинска без СИМ-картичка.

Грчките медиуми објавија дека нејзината ДНК била пронајдена во куќата на осомничениот, а полициските истражители забележале гребнатини и знаци на тепачка на него, но осомничениот тврди дека настанале како последица на сообраќајна несреќа што неодамна ја имал.

Наводно, осомничениот и рекол на полицијата дека тој и Анастасија имале секс во неговиот дом, па заминала на локација каде што наводно требало да ја земе нејзиниот партнер.

Рубинска пристигна на островот Кос со својот полски партнер за да работи во хотел во областа Тигаки-Мармари во текот на летната сезона.

Нејзиниот партнер ја пријави како исчезната во вторникот. Тој на истражителите им изјави дека Анастасија го контактирала во понеделникот вечер за да му каже дека е пијана, а подоцна му ја испратила точната локација за да може да ја земе. Но, кога пристигнал, не нашол никој и нејзиниот мобилен телефон бил исклучен.

Анастасија последен пат била видена во мини маркет каде се чини дека е во алкохолизирана состојба кога наишла на група од четворица мажи од Пакистан и Бангладеш и се оддалечила со еден од нив – сега првоосомничениот.

Интензивната потрага на полицијата, пожарникарите, цивилната одбрана, локалната спасувачка екипа и куче трагач заврши со пронаоѓање на телото на Рубинска во неделата попладне.

Се верува дека најверојатно била задавена.

И нејзината мајка пристигна од Полска со приватен детектив за да помогне во истрагата.

Текстот (ВИДЕО) Анастасија е пронајдена гола и завиткана во чаршаф: Детали од истрагата за убиството на девојката на грчкиот остров Кос е превземен од А1он.