Paralajmërohet padi për Kurtin e Bislimin për deklaratat e tyre ndaj Faton Hajrizit
Deklaratat e kryeministrit Albin Kurti dhe zëvendëskryeministrit të Kosovës, Besnik Bislimi, për Faton Hajrizin u konsideruan si fyese nga familja e këtij të fundit. Avokati Gent Gjini, tha sot se do t’i padisë këta pasi sipas tij e kanë fyer Faton Hajrizin duke e quajtur kriminel. Gjini tha se deklaratat e kryeministrit Kurti e zëvendësi i […]
![Paralajmërohet padi për Kurtin e Bislimin për deklaratat e tyre ndaj Faton Hajrizit](https://orainfo.net/wp-content/uploads/2024/07/663878-paralajmerohet-padi-per-kurtin-e-bislimin-per-deklaratat-e-tyre-ndaj-faton-hajrizit.jpeg)
![paralajmerohet-padi-per-kurtin-e-bislimin-per-deklaratat-e-tyre-ndaj-faton-hajrizit](https://orainfo.net/wp-content/uploads/2024/07/663878-paralajmerohet-padi-per-kurtin-e-bislimin-per-deklaratat-e-tyre-ndaj-faton-hajrizit.jpeg)
Deklaratat e kryeministrit Albin Kurti dhe zëvendëskryeministrit të Kosovës, Besnik Bislimi, për Faton Hajrizin u konsideruan si fyese nga familja e këtij të fundit.
Avokati Gent Gjini, tha sot se do t’i padisë këta pasi sipas tij e kanë fyer Faton Hajrizin duke e quajtur kriminel.
Gjini tha se deklaratat e kryeministrit Kurti e zëvendësi i tij Besnik Bislimi, janë problematike dhe se e fyejnë gjithë familjen Hajrizi.
“Po, besoj që do jenë pjesë e padisë [Kurti dhe Bislimi]. Janë deklarata publike. Padi civile do parashtrojmë dhe do dalim me prova. Nëse pretendohet një gjë e tillë e nuk argumentohet. Duhet të tërhiqen fjalët, fjala kriminel për t’u shprehur kriminel dikush janë procedurat që avokatët i njohin”, tha ai në “Five” të TV Dukagjinit,
Për të ngritur padinë Gjini tha se ka autorizim të Artan Hajrizit, vëllait të Faton Hajriziti cili dyshohet se u vra në Serbi.
“Vëllai i Fatonit është ndier i ofenduar në lidhje me linçimit që i janë bërë vëllait të tij. Shumë zyrtarë shtetërorë pa pasur argumente, apo persona të tjerë, Fatonin e përkufizojnë me epitete të ndryshme, e baltosin atë dhe familjen e tij. Pritet të ngrisim padi ndaj zyrtarëve të lartë shtetërorë. Për t’i thënë dikuj kriminel duhet pasur fakte. Pushtetet janë të ndara, politika nuk duhet t’i fusë duart në drejtësi”, tha ai.
“Padi civile, ndaj zyrtarëve që Faton Hajrizin e kanë quajtur kriminel. Po gjithë jemi të barabartë para ligjit, pavarësisht petkut dhe iminutetit që kanë zyrtarët publikë. Po padi do të parashtrojmë në drejtim se si janë parashtruar nga zyrtarët publikë”, ka vijuar ai.
Besnik Bislimi ditë më parë e kishte quajtur Faton Hajrizin kriminel, derisa kryeministri Kurti kishte kërkuar nga qytetarët që Hajrizi të mos heroizohet, sepse sipas tij nuk është i tillë.
Kurti theksoi se epitetin hero e meriton Afrim Bunjaku e jo Faton Hajrizi.