Ramadani: Lista Serbe po bën lojë brutale me shtetin e Kosovës
Ish-inspektori i Përgjithshëm i Agjencisë së Kosovës për Inteligjencë (AKI), Burim Ramadani, ka reaguar pas veprimeve të fundit të Listës Serbe, të cilët bënë thirrje për bojkot të zgjedhjeve. Në një postim në rrjetin social Facebook, ka hedhur akuza të rënda kundër Listës Serbe, duke e quajtur veprimin e tyre si një “lojë brutale”. “Lista […]
![Ramadani: Lista Serbe po bën lojë brutale me shtetin e Kosovës](https://orainfo.net/wp-content/uploads/2024/04/638178-ramadani-lista-serbe-po-ben-loje-brutale-me-shtetin-e-kosoves.png)
![ramadani:-lista-serbe-po-ben-loje-brutale-me-shtetin-e-kosoves](https://orainfo.net/wp-content/uploads/2024/04/638178-ramadani-lista-serbe-po-ben-loje-brutale-me-shtetin-e-kosoves.png)
Ish-inspektori i Përgjithshëm i Agjencisë së Kosovës për Inteligjencë (AKI), Burim Ramadani, ka reaguar pas veprimeve të fundit të Listës Serbe, të cilët bënë thirrje për bojkot të zgjedhjeve.
Në një postim në rrjetin social Facebook, ka hedhur akuza të rënda kundër Listës Serbe, duke e quajtur veprimin e tyre si një “lojë brutale”.
“Lista Serbe e financuar nga shteti i Kosovës – duke hapur derën për veprime tjera politike, ka shfrytëzuar fondet në vlerë prej 360 mijë euro për të organizuar një peticion për shkarkimin e kryetarëve të komunave në veri të vendit,” shprehet Ramadani në shkrimin e tij.
Me veprimet e tyre, Lista Serbe, sipas Ramadanit, “ka detyruar Kosovën të shpallë referendum dhe tani po bën thirrje për bojkot, duke e kthyer këtë veprim në një akuzë ndaj Kosovës për çështje administrative-politike.”
Ai vë në dukje kontrastin në trajtimin ligjor ndaj Listës Serbe në krahasim me parti të tjera shqiptare.
“Një parti shqiptare (PSD) u suspendua për shkak të vonesave në mbajtjen e Kuvendit zgjedhor, ndërsa GUXO u detyrua t’i përshtatet rregullave normative. Çfarë ndodh me Listën Serbe?”
Ai sfidon, gjithashtu, rolin e KQZ-së në monitorimin e proceseve zgjedhore të Listës Serbe.
“Kur e ndrroi kryetarin dhe kryesinë pas 24 shtatorit 2023, a e ftoi Lista Serbe KQZ-në ta monitorojë Kuvendin Zgjedhor? Cilat janë të dhënat e KQZ për këto procese?” pyet ai retorikisht.
Ramadani është kritik edhe ndaj mungesës së veprimit nga KQZ dhe institucionet e tjera të drejtësisë dhe sigurisë, ata “nuk kanë kërkuar ndonjëherë të dhëna rreth përfshirjes së Listës Serbe në organizimin e sulmit paramilitar në Banjskë më 24 shtator 2023”.
“E tërë kjo situatë është menaxhuar gabimisht dhe politikisht është në drejtim të nxitjeve të tensioneve në vazhdimësi, dhe kjo strategji, nëse mund ta quajmë ashtu, e vendos Qeverinë e Kosovës në një pozitë pak të lakmueshme: ‘Edhe të fikur, edhe të koritur!’”