Hyn në fuqi marrëveshja Shqipëri-Kosovë “pa kufi” për 9 muaj
Prej ditës së mërkurë ka hyrë në fuqi zbatimi i marrëveshjes, sipas të cilit, qytetarët e Shqipërisë dhe të Kosovës do të kalojnë përmes pikës kufitare të përbashkët Shqipëri-Kosovë me procedura të shpejtuara përgjatë 9 muajve të vitit dhe në fundjavat e festave. Më herët, kjo periudhë e lehtësimit të lëvizjes ishte në 4 muajt […]
![Hyn në fuqi marrëveshja Shqipëri-Kosovë “pa kufi” për 9 muaj](https://orainfo.net/wp-content/uploads/2024/05/643768-hyn-ne-fuqi-marreveshja-shqiperi-kosove-pa-kufi-per-9-muaj.jpg)
![hyn-ne-fuqi-marreveshja-shqiperi-kosove-“pa-kufi”-per-9-muaj](https://orainfo.net/wp-content/uploads/2024/05/643768-hyn-ne-fuqi-marreveshja-shqiperi-kosove-pa-kufi-per-9-muaj-1024x577.jpg)
Prej ditës së mërkurë ka hyrë në fuqi zbatimi i marrëveshjes, sipas të cilit, qytetarët e Shqipërisë dhe të Kosovës do të kalojnë përmes pikës kufitare të përbashkët Shqipëri-Kosovë me procedura të shpejtuara përgjatë 9 muajve të vitit dhe në fundjavat e festave.
Më herët, kjo periudhë e lehtësimit të lëvizjes ishte në 4 muajt e verës. Qytetarët e Kosovës që kanë zgjedhur të udhëtojnë sot thonë se zbatimi i kësaj marrëveshje lehtëson ndjeshëm kalimet në kufi.
Ndërkohë, që në orët e para të ditës së sotme, pika doganore e Morinës është përballur me një fluks të madh udhëtarësh nga Kosova, të cilët udhëtonin drejt Shqipërisë për të festuar Ditën e 1 Majit, por edhe për të kaluar disa ditë pushimi.
Vetëm në orët e para të ditës së sotme, nga Kosova kanë hyrë në Shqipëri rreth 5 mijë shtetas të Kosovës dhe 3 mijë mjete të vogla e dhjetëra autobusë.