Патрушев: Киев ја испушти водата во хидроцентралата „Дњепропетровск“ еден ден пред нападот на Каховка

Секретарот на Советот за безбедност на Русија, Николај Патрушев денеска изјави дека по наредба на Киев во хидроцентралата „Дњепропетровск“ е испуштена вода, ден пред нападот на Х.Е. Каховка.

„Според наредбата на Киев, 24 часа претходно имаше масовно испуштање вода во ХЕЦ „Дњепропетровск“, а потоа беше извршен уште еден напад во ХЕ „Каховка“, што доведе до уште пострашни последици“, рече Патрушев во разговор со неговиот белоруски колега Александар Волфович, пренесува Тас.

Тој претходно изјави дека САД, Велика Британија и сојузниците од НАТО мора да ја сносат одговорноста за уништувањето на браната Каховка бидејќи, како што наведе, тие земји ги „координираат активностите на Украина“ и „дадоа согласност за бомбардирањето“, пренесе Ројтерс.

Украина и Русија меѓусебно се обвинуваат за уништувањето на браната, што предизвика поплави да се прошири низ воената зона и принуди илјадници луѓе да се евакуираат. Некои експерти веруваат дека браната можеби се срушила поради претходно оштетување и силен притисок врз неа.

Текстот Патрушев: Киев ја испушти водата во хидроцентралата „Дњепропетровск“ еден ден пред нападот на Каховка е превземен од А1он.