По 11 месеци внукот призна дека си ја уби бабата, па избега во Грција

На Д.Ч. (33) од околината на Шабац му е одредена мерка притвор до 30 дена поради сомнение дека на 26 јули минатата година ја убил бабата Ф.Ч. (75), а нејзиното тело го закопал.

Истрагата ја води Вишото јавно обвинителство во Шабац. Следните денови ќе бидат сослушани сведоци, а Д.Ч. ќе биде подложен на психолошки преглед.

Неофицијално, два дена по злосторството се јавил во полиција и на новинари и ја пријавил бабата како исчезната. Од првиот момент им бил сомнителен на инспекторите, но немало докази.

Набрзо заминал во Грција каде бил уапсен.

– Д.Ч. беше предаден на српските иследници во средината на април. Но, дури кога пред неколку дена беше приведен во полиција за семејно насилство, призна дека ја удавил баба си, со автомобил ја однел до селото и ја закопал. Се уште не е утврден точниот мотив на злосторството – вели за српските медиуми соговорник близок до истрагата.

Внукот и бабата живееле во исто домаќинство.

Пред речиси една година се јавиле синот и внукот на „исчезнатата“ старица и побарале помош за нејзино пронаоѓање.

– Вратата од куќата во која живееше беше заклучена, тропнавме, никој не ја отвори, па полицијата и пожарникарите дојдоа и влегоа низ прозорецот. Мајката не била во куќата – рече тогаш синот Зоран.

Во куќата беа пронајдени нејзините документи, потврда од продавницата каде што купила храна порано попладнето и потврда од менувачницата каде што разменувала девизи. Во дворот имало и велосипед со кој таа најчесто оди до град, па заклучиле дека пеш излегла од дома.

-Првите два дена интензивно ја баравме низ градот, на брегот на Сава, а потоа во полиција го пријавивме нејзиното исчезнување. Се обидовме нејзиното исчезнување да го објавиме и на социјалните мрежи со надеж дека некој ќе го забележи – изјави тогаш Зоран.

Бабата живеела сама во куќа лоцирана во истиот двор со куќата во која живее внукот Д.Ч. со сопругата. Ја гледале секој ден и се грижеле за неа, а таа често доаѓала кај нив.

– Немаше навестување дека ќе замине од дома. Беше заборавена и често не можеше да се сети каде ги остава работите. Безброј пати сме ги менувале бравите кога ќе ги изгуби клучевите. Боледуваше од деменција и колку што можевме ја убедивме редовно да зема лекови – изјави своевремено Д.Ч. сега е осомничен за убиство.

Текстот По 11 месеци внукот призна дека си ја уби бабата, па избега во Грција е превземен од А1он.