Поради пукнатините на градските улици, илјадници луѓе се евакуирани на северот на Кина

Неколку илјади луѓе се евакуирани од неколку станбени згради во северниот кинески град Тијанџин во последните денови, откако лизгање на земјиштето создаде големи пукнатини на околните улици, соопштија локалните власти.

Големи пукнатини се појавија на улиците во близина на станбен комплекс во областа Џинан во Тијанџин.

Според информациите објавени од локалните власти на социјалните мрежи, пукнатините достигнуваат длабочина од 1.300 метри.

Од 3 јуни, 3.899 жители биле евакуирани од најмалку три згради од 25 ката во блиските хотели, пишува Global Times.

Градската управа на Тијанџин го нарече инцидентот „ненадејна геолошка катастрофа“ по првите информации што ги добија од експерти и неколку владини агенции кои ги снимиле локациите.

„Не може да се исклучи дека дупчењето на геотермалните извори резултирало со губење на почвата и нејзино уривање во таа област“, ​​велат тие извори.

Неодамнешните настани го привлекоа вниманието на прашањето за безбедноста на станбените згради во Кина. Инаку, кинеската влада воведе строги правила и строги казни во случај на незадоволително управување со недвижностите, забележува Ројтерс.

Текстот Поради пукнатините на градските улици, илјадници луѓе се евакуирани на северот на Кина е превземен од А1он.