Првото засилување слета во Њукасл

Најбогатиот клуб на островот почна да го засилува својот тим. Со денови се шпекулираше, се лицитираше за нивните потенцијални засилувања, а сега е јасно кој е прв.

Станува збор за ни помалку ни повеќе туку за младиот италијански репрезентативец Сандро Тонали.

Њукасл за Тонали ќе му плати на Милан 70 милиони евра.

Договорот ќе биде потпишан на 6 години, поточно до јуни 2029 година, а Тонали ќе заработува 8 милиони годишно, плус бонуси кои можат да пораснат и до 2 милиони.

Договорот ќе биде официјализиран на почетокот на трансфер периодот, односно на 1 јули.

Интересно е колку Њукасл се грижи за овој играч. Тие го подготвија својот лекарски тим да замине во тренинг кампот на младата италијанска селекција во Романија за што поскоро се да биде готово.

Истото го направија и со Бруно Гимараеш.

Текстот Првото засилување слета во Њукасл е превземен од А1он.