ВИДЕО: Децата кои исчезнаа по авионска несреќа во Колумбија спасени по повеќе од пет недели

Четири деца од домородна заедница во Колумбија се пронајдени живи на југот на земјата повеќе од пет недели откако авионот со кој патуваа се урна во густа џунгла, изјави вчера колумбискиот претседател Густаво Петро. #AEstaHora | El helicóptero #Ángel de la @FuerzaAereaCol evacuó desde la selva a los menores de... Текстот ВИДЕО: Децата кои исчезнаа по авионска несреќа во Колумбија спасени по повеќе од пет недели е превземен од А1он.

јуни 11, 2023 - 01:10
0 4
ВИДЕО: Децата кои исчезнаа по авионска несреќа во Колумбија спасени по повеќе од пет недели

Четири деца од домородна заедница во Колумбија се пронајдени живи на југот на земјата повеќе од пет недели откако авионот со кој патуваа се урна во густа џунгла, изјави вчера колумбискиот претседател Густаво Петро.

Децата биле спасени од војската во близина на границата меѓу колумбиските провинции Какета и Гуавијаре, во близина на местото каде што се урнал малиот авион.

„Радост за целата земја! Четири деца кои исчезнаа… беа изгубени… во колумбиската џунгла се појавија живи“, објави Петро преку Твитер.

Малиот авион Цесна 206 превезувал седум лица на пат меѓу Аракуара, државата Амазонас и Сан Хозе дел Гуавијаре, град во државата Гуавијаре, но пријавил аларм за дефект на моторот во раните утрински часови на 1 мај.

Во несреќата загинале тројца возрасни, меѓу кои и пилотот, а нивните тела биле пронајдени во авионот. Падот го преживеале четири деца на возраст од 13, 9 и 4 години, како и едно 11 месечно бебе.

Првичните информации од Управата за цивилно воздухопловство, која ги координирала напорите за спасување, сугерираат дека децата избегале од авионот и се упатиле во прашумата за да побараат помош.

Спасувачките тимови, со поддршка на кучиња трагачи, претходно пронашле фрлено овошје, кое наводно децата го јаделе и импровизирани засолништа направени од вегетација од џунгла.

Во спасувачките операции учествуваа авиони и хеликоптери на колумбиската армија и воздухопловни сили.

Текстот ВИДЕО: Децата кои исчезнаа по авионска несреќа во Колумбија спасени по повеќе од пет недели е превземен од А1он.