Redaktorja e RTK-së Meneta Zekaj: Presionet asnjëherë nuk kanë munguar

Redaktorja e RTK-së e ish u.d kryeredaktorja Meneta Zekaj, ka reaguar në lidhje me “lajmin” e mbrëmshëm ku Gazeta Nacionale e Periskopi u portretizuan si media që paguhen nga Serbia.

Redaktorja Zekaj, ka thënë se edhe sa ka qenë u.d e kryeredaktorës, presionet nuk kanë munguar asnjëherë, por sipas saj, ajo ka vendosur t’iu bëjë ballë atyre, duke përllogaritur edhe kosotn.

E plotë:

Si gazetare dhe redaktore në RTK, dhe 15 muaj u.d kryeredaktore e lajmeve në RTK TV, jam përballur me situata të ndryshme. Presionet asnjëherë nuk kane munguar.

Për një medium publik pa pavarësi financiare, mbase edhe presionet janë të zakonshme, por jo edhe të arsyeshme, andaj duhet ndalur.

Me ketë parim kam udhëhequr gjatë mandatit tim si u.d kryeredaktore, duke qenë plotësisht e bindur për koston…

Gjithnjë në shërbim të publikut për informim të drejtë e të pavarur!