Maqedonci takohet me deputetin gjerman, i ankohet për rol destruktiv të Serbisë për paqe dhe siguri në Kosovë e rajon

Ministri i Mbrojtjes ka njoftuar se ka pritur në takim këtë pasdite deputetin e Bundestagut gjermna, Peter Beyer.

Maqedonci tha se e njoftoi deputetin gjerman për zhvillimet e sigurisë dhe rolin destruktiv të Serbisë për paqen dhe sigurinë në Kosovë dhe Ballkanin Perëndimor.

Tutje ai tjha bashkëpunimi me Gjermaninë si shtet anëtar i NATO’s është thelbësor për zhvillimin e ushtrisë sonë por edhe për paqen e sigurinë në vend dhe rajon.

Njoftimi i plotë:

Pasdite takova Deputetin e Bundestag’ut gjerman z. Peter Beyer, njohës shumë i mirë i Kosovës dhe zhvillimeve në vend.

Z. Beyer e informova për zhvillimet e sigurisë dhe rolin destruktiv të Serbisë për paqen dhe sigurinë në Kosovë dhe Ballkanin Perëndimor mirëpo edhe për zhvillimin e Forcës së Sigurisë të Kosovës në vitet e fundit në kuadër të planit gjithëpërfshirës të tranzicionit të ushtrisë sonë.

Njëkohësisht, kërkova që asistenca dhe partneriteti me Gjermaninë të thellohet edhe më tej. Bashkëpunimi me Gjermaninë si shtet anëtar i NATO’s është thelbësor për zhvillimin e ushtrisë sonë por edhe për paqen e sigurinë në vend dhe rajon.