Италија се „оградува“ од Приштина

Амбасадата на Италија во Приштина соопшти дека одлуката на владата на Косово поминала без координација со италијанската влада.

Станува збор за одлуката „Цивилна одбрана“ и „Северната бригада“ да се прогласат за терористички организации.

„Во однос на одлуката за прогласување на терористички организации „Граѓанска одбрана“ и „Северна бригада“, треба да се нагласи дека таа не е донесена во координација со италијанската влада, за која косовските власти не не информираа однапред“, се вели во соопштението.

Се нагласува дека координацијата со меѓународните партнери е повеќе од неопходна за ситуацијата на Косово дополнително да не се влошува.

„Планот од три точки на Европската унија за деескалација на ситуацијата во општините на северот на Косово ја нагласува потребата од блиска координација со меѓународните партнери и воздржување од какви било унилатерални дејствија што може дополнително да ја ескалира ситуацијата“, се вели во соопштението од италијанската амбасада во Приштина.

САД, ЕУ, како и Германија и Франција претходно негираа дека одлуката на Приштина била донесена во координација со нив.

Во четвртокот, косовската влада ги прогласи „Цивилна одбрана“ и „Северна бригада“ за терористи, тврдејќи дека нивните членови се одговорни за немирите на северот на Република Косово и дека претставуваат закана за „уставниот поредок и безбедноста“.

По седницата, владата тврдеше дека ја координирала одлуката за прогласување на цивилна одбрана и Северна бригада за терористички организации со меѓународните партнери.

Текстот Италија се „оградува“ од Приштина е превземен од А1он.