Платеници од Полска се борат и во рускиот Белгород

Во борбите во руската област Белгород на границата со Украина учествуваат и полски платеници, објавија вчера полските медиуми.

На страната на украинската армија се бори и полскиот волонтерски одред, објавија интернет порталите Polsatnews.pl и Wprost.pl, повикувајќи се на пораките на групата на социјалната мрежа Телеграм и видеото на кое наводно се гледаат платеници на пат кон Белгород.

Според Polsatnews, полскиот доброволен одред бил формиран во февруари и првично се борел на страната на украинската армија како независна единица составена исклучиво од Полјаци. Во меѓувреме почнале да соработуваат со рускиот доброволен одред.

Порталите не наведуваат колку Полјаци учествуваат во борбите.

Текстот Платеници од Полска се борат и во рускиот Белгород е превземен од А1он.