Вработена во Агенцијата за катастар побарала поткуп од 2.000 денари

Припадници на МВР вчера во 11.20 часот ја уапсија С.Д.(61) од Радовиш, вработена во Агенција за катастар на недвижности, Подрачно одделение Радовиш.

Таа се сомничи дека на 8.6.2023 изготвила договор за отстапување на имот на жител од Радовиш, кој требало да биде изготвен од адвокат и за услугата побарала поткуп од 2.000 денари, кој на 4.7.2023 година и бил даден.

„На 4.7.2023 година во службените простории на Агенција, при преглед на осомничената била пронајдена банкнота од 2.000 денари, која претходно била обележана, а при претрес на нејзиниот дом, извршен со судска наредба, биле пронајдени предмети поврзани со извршеното кривично дело. С.Д. била задржана во полициска станица во Радовиш, за настанот бил запознаен Јавен обвинител од Основното јавно обвинителство Радовиш, а од Судија на претходна постапка изречени се мерки на претпазливост“, извести МВР.

Текстот Вработена во Агенцијата за катастар побарала поткуп од 2.000 денари е превземен од А1он.