Pretendohet se Izraeli kreu sulm ajror në Siri

Pretendohet se Izraeli kreu sulm ajror në disa pika ushtarake në provincën Homs të Sirisë, transmeton Anadolu.

Llogaritë e mediave sociale pranë administratës siriane pretendojnë se avionët izraelitë shënjestruan disa pika ushtarake në rrethin Qusayr të Homsit, pranë kufirit me Libanin.

Anëtarët e Hezbollahut, të cilët janë në radhët e ushtrisë së regjimit të Bashar al-Asadit, janë shumë të pranishëm në Qusayr.

Izraeli dhe administrata siriane nuk kanë dhënë ende deklaratë lidhur me sulmin.

Izraeli ka kryer sulme të herëpashershme ndaj grupeve të mbështetura nga Irani dhe pikave ushtarake që i përkasin ushtrisë siriane në Siri që nga fillimi i luftës civile në vitin 2011.