Meloni: Marrëveshja me Shqipërinë për ngritjen e qendrave të emigrantëve, inovative dhe interesante për të tjerët në BE

Kryeministrja italiane Meloni vlerësoi sot marrëveshjen që ajo arriti së fundmi për Italinë, sipas së cilës në Shqipëri do të krijohen qendra emigrantësh.

“Mendoj se është një marrëveshje shumë inovative, e zgjuar dhe më duket se partnerët e tjerë evropianë e kanë pritur me shumë interes”, tha Meloni në një bisedë me gazetarët pas një takimi dypalësh me kryeministrin kroat Andrej Plenkoviq në Zagreb, raporton ANSA, transmeton FrontOnline.

Kryeministri shqiptar Edi Rama dhe kryeministrja italiane Giorgia Meloni njoftuan një marrëveshje pesëvjeçare në fillim të këtij muaji, sipas së cilës Shqipëria u zotua të pranojë përkohësisht deri në 36,000 emigrantë në vit, ndërsa Roma do të përshpejtojë shqyrtimin e kërkesave të tyre për azil në Itali./FrontOnline/