Gjatë ndërrimi të motmoteve Policia vendosi 508 pika të kontrollit për automjete

Edhe ditën e fundit të vitit që shkoi, policia ka vazhduar me aktivitete për të shtuar sigurinë në trafik.
Vetëm gjatë ditës së djeshme Policia e Kosovës ka vendosur 508 pika të kontrollit për automjete.

Kjo është bërë e ditur përmes një njoftimi për media.

Gjatë ditës së djeshme (31 dhjetor 2023), policia në tërë vendin ka vendosur 508 PKV, ku nga zyrtarë policorë janë kryer aktivitete me qëllim që të parandalohen e edhe të ndëshkohen ata që nuk kanë përfillur rregullat në trafik’’, thuhet në njoftim.

Po ashtu është bërë e ditur se për shkelje më të rënda policia ka konfiskuar 33 patentë shofer drejtuesve të automjeteve.