Kundërofensiva ukrainase po përparon në të gjitha frontet, Zelensky tha se e hëna është “ditë e gëzueshme”

Presidenti Volodymyr Zelensky tha se kundërofensiva ukrainase kundër forcave ruse po përparon në të gjitha frontet, raportoi BBC.

Ai nuk dha detaje, por komentuesit pro-rusë thonë se trupat ukrainase kanë kaluar lumin Dnieper dhe kanë rimarrë një fshat pranë Khersonit.

Zëvendësministrja ukrainase e Mbrojtjes, Hanna Maliar tha dje se forcat ukrainase kanë rifituar kontrollin e Rivnopil, një fshat në rajonin e Donetsk, në perëndim të një grupi vendbanimesh të rimarrë në operacionet sulmuese.

Zelensky e përshkroi të hënën si një “ditë të lumtur” dhe tha se trupat e tij “përparuan në të gjitha drejtimet” në front.

Ndërkohë, në një fjalim të presidentit Vladimir Putin, ai konfirmoi se pilotët e ushtrisë ruse ishin vrarë në përleshjet me ushtarët e Wagner në rebelimin jetëshkurtër gjatë fundjavës. Ai falënderoi të gjithë ata që “qëndruan në rrugën e rebelëve” dhe i qëndruan besnikë “detyrës së tyre, betimit dhe popullit të tyre”, raporton Reuters.