Roma po e transferon bomberin e ri

Arrihet pothuajse marrëveshja, Roma transferon bomberin e ri.

Marrëveshja është arritur, Roma me bomber të ri.

Roma ka arritur një marrëveshje me Atalanta-n për blerjen e sulmuesit 32-vjecar Duvan Zapata, sipas Calciomercato.com.

Lojtari pritet të zbarkojë në Romë mbrëmjen e sotme ose të nesërmen në mëngjes.

Jose Mourinho dhe stafi i tij është në kërkim të një sulmuesi prej kohësh pas dëmtimit të pësuar nga Tammy Abraham në ndeshjen e parafundit të sezonit të kaluar të Serisë A.

Ndërsa verdhekuqtë kanë qenë të interesuar për një numër të madh lojtarësh në muajt e fundit, duke përfshirë edhe Gianluca Scamacca me Marko Arnautovic, Zapata duket se do të jetë ai që do të zbarkojë në Romë.

Më parë është thënë se Roma po kërkonte ta huazonte kolumbianin, por tani duket se blerja e Zapata-s do të jetë përfundimtare.

Gjithmonë sipas Cacliomercato-s, sulmuesi do të nënshkruajë një kontratë 3-vjeçare me vlerë 2.7 milionë euro në sezon. Roma do t’i paguajë Atalanta-s 6 milionë euro plus 3.5 milionë në bonuse.