Rreth 90 % e energjisë elektrike që shfrytëzohet në Maqedoninë e Veriut prodhohet brenda vendit

Në Maqedoninë e Veriut gjatë muajit prill është prodhuar energji elektrike në atë sasi sa 91.5 përqind e energjisë së shfrytëzuar është prodhuar në vend, ashtu që shumica e energjisë së prodhuar vjen nga termocentralet, transmeton Portalb.mk.

“Në prill 2024, konsumi i përgjithshëm sipas llojeve të energjisë është: 437 116 МWh energji elektrike, 12.002 mil. nm3 gaz natyror, 415 631 ton qymyr dhe 85 745 ton produkte nafte”, njoftoi Enti Shtetëror i Statistikave.

Në termocentrale prodhohen 56.6 %, në hidrocentrale 26.6 %, në termocentralet e kombinuara (7 %), panelet solare (5.4 %), turbinat e erës (3.1 %) dhe bimët e biogazit (1.4 %).

“99.9 % e konsumit të përgjithshëm të thëngjillit përdoret për prodhimin e energjisë elektrike”, raportoi Enti.