SHBA, u vranë 4 policë në Karolinën e Veriut

Të paktën 4 oficerë policie që u sulmuan me armë në shtëpinë ku shkuan për të kontrolluar në shtetin amerikan të Karolinës së Veriut humbën jetën dhe 4 policë të tjerë u plagosën, transmeton Anadolu.

Oficerët e policisë të cilët shkuan për të kontrolluar një shtëpi me urdhër gjykate në orët e mbrëmjes në Charlotte të Karolinës së Veriut, u sulmuan me armë.

Në deklaratën e tij për incidentin, shefi i policisë në Charlotte, Johnny Jennings tha se është hapur zjarr me pushkë ndaj policëve teksa po hynin për kontroll në shtëpinë ku ndodhej i dyshuari i përfshirë në një krim. Jennings tha se edhe oficerët iu përgjigjën zjarrit.

Jennings tha se 4 oficerë policie humbën jetën në sulm, 4 u plagosën ndërsa një person i plagosur ishte në gjendje të rëndë. Duke thënë se i dyshuari u qëllua dhe vdiq në vendngjarje, Jennings theksoi se ky ishte një nga incidentet më të rënda në historinë e Charlotte-s dhe se hetimi do të vazhdojë në thellësi.

Shtëpia e Bardhë tha se presidenti amerikan Joe Biden është informuar për incidentin dhe se ai po ndjek nga afër zhvillimet.