Tre të miturit e plagosur në Prishtinë, jashtë rrezikut për jetë

Sot rreth orës 19:00 ka ndodhur një përleshje me armë zjarri lagjen “Lakrishtë” në Prishtinë, ku si pasojë tre persona kanë mbetur të plagosur.

Në një përgjigje për Klankosova.tv Avdyl Pacolli, drejtori i Qendrës së Mjekësisë Urgjente në Prishtinë ka thënë se të gjithë të plagosurit janë të mitur dhe jashtë rrezikut për jetë.

“Të plagosurit janë të vitit 2006, 2006 dhe 2008, janë jashtë rrezikut për jetë. Njëri ka plagë në dorë”, u shpreh Avdyli.