Kuvendi nuk ka kuorum për votimin e rezolutës për uljen e çmimit të rrymës

Kuvendi i Kosovës ka mbyllur seancën e sotme në mungesë të kuorumit për të hedhur në votim rezulutën për uljen e çmimit të rrymës.

“Nuk kemi kuorum, në mungesë të kuorumit për votimin e propozim rezolutës, ndërpritet seanca e sotme. Për vazhdimin e seancës do të njoftoheni nga Kryesia e Kuvendit”, ka thënë nënkryetari i Kuvendit, Bahrim Shabani.

Lëvizja Vetëvendosje ka marrë kritika nga deputetët opozitarë lidhur me menaxhimin në sektorin e energjisë.

Ndërsa ministrja e Ekonomisë, Artane Rizvanolli ka thënë se Kosova është shteti me çmimin e energjisë elektrike më të lirë në rajon dhe Europë.

Rizvanolli ka shtuar se kriza është përballuar në mënyrën më të mirë të mundshme ndonëse dy vitet e fundit ishin sfiduese në këtë sektor.