Vdes mjeku i njohur shqiptar nga Koronavirusi

Mjeku i njohur shqiptar vdes nga koronavirusi.

Ministria e Shëndetësisë në Shqipëri njofton se në mëngjesin e sotëm ka vdekur doktor Hysni Shkjaut, i cili nuk e fitoi dot betejën me virusin COVID-19 , megjithë përpjekjet e jashtëzakonshme të stafit të infektivit për kolegun e tyre.

Dr. Hysni Shkjau, 69-vjeçar, me 40 vite eksperiencë, nuk e kishte ndërprerë punën dhe vijonte të shërbente si mjek familje në qendrën shëndetësore Qafë-Mali në Bashkinë Fushë-Arrëz të Pukës.
Shkaju ishte i infektuar ditë më parë me COVID-19 dhe gjendja e tij u rëndua si pasojë e vështirësisë në frymëmarrje dhe disa sëmundjeve bashkëshoqëruese.

Ministria e Shëndetësisë i shpreh ngushëllime famljarëve, miqve dhe kolegëve. Është një humbje e madhe për sistemin shëndetësor, humbja e një mjeku që i ka shërbyer me përkushtim e profesionalizëm për 40 vite komunitetit të tij.