Mijaçiq: Temat në Bruksel do të jenë Asocacioni, deeskalimi, zgjedhjet në Veri dhe Banjska

Koordinatori i Konventës Kombëtare të BE-së për kapitullin 35, Dragisha Mijaçiq, tha se dialogu duhet të vazhdojë pavarësisht se si është parë në Beograd apo Prishtinë dhe se pret që ai mesazh të përsëritet edhe sot në Bruksel, ku liderët e vendeve të BE-së do të mblidhen në kryeqytetin europian.

Presidenti serb Aleksandar Vuçiq dhe kryeministri i Kosovës Albin Kurti do të jenë sot në Bruksel, siç është paralajmëruar dhe Mijaçiq nuk e përjashton mundësinë e takimit të tyre të përbashkët në fillim të samitit të liderëve të BE-së.

Thjesht nuk ka alternativë tjetër përveç dialogut. Dhe ‘Pesëshja e Madhe’ e përcolli këtë javën e kaluar në takimet në Beograd dhe Prishtinë me Vuçiqin dhe Kurtin. Ata theksuan se dialogu nuk ka alternativë dhe se formati i negociatave nuk do të ndryshojë”, tha Mijaçiq, transmeton FrontOnline.

Ai shtoi se përfaqësuesit e BE-së, SHBA-së, Gjermanisë, Francës dhe Italisë nuk kanë ardhur në Beograd dhe Prishtinë më 21 tetor pa propozim dhe pa ide për vazhdimin e dialogut.

“Ata padyshim kanë paraqitur disa propozime për vazhdimin e dialogut. Ne nuk i kemi dëgjuar ato propozime, por do ta zbulojmë shumë shpejt, deri në fund të kësaj jave, kur Këshilli Evropian do të marrë masa vendimtare si ndaj Beogradit ashtu edhe ndaj Prishtinës në lidhje me zbatimin e mëtejshëm të marrëveshjes për rrugën e normalizimit, si dhe aneksi i tij që u nënshkrua në fillim të këtij viti. Besoj se temat kryesore do të jenë formimi i Asociacionit të komunave me shumicë serbe, deeskalimi, organizimi i zgjedhjeve në Veri të Kosovës, por edhe ngjarjet e fundit që ndodhen në Banjskë.

Besoj se negociatat do të vazhdojnë diku në Bruksel”. Presidenti serb Vuçiq ka paralajmëruar se do të jetë në Bruksel, aty ndoshta do ta shohim Kurtin, kështu që ekziston mundësia që para seancës së samitit të BE-së të ketë një takim trepalësh apo dypalësh në Bruksel, për të përcaktuar të gjitha ato propozime që janë dorëzuar të shtunën e kaluar dhe që të dyja palët të përcaktohen sipas propozimeve të ‘Pesëshes së Madhe’./FrontOnline/