Zemaj: Qytetarët nuk kanë se ku të kërkojnë përgjigje

Në seancën e jashtëzakonshme të Kuvendit të Kosovës po diskutohet iniciativa e Aleancës për Ardhmërinë e Kosovës, lidhur me rritjen e koeficientit të pagave nga 105 në 129 euro.

Për këtë ka folur deputeti i Lidhjes Demokratike të Kosovës Armend Zemaj.

Zemaj tha se lidhur me këto probleme qytetarët nuk kanë se ku të kërkojnë përgjigje.

“Goditja e madhe që e kanë marrë qytetarët me inflacionin, energjisë elektrike dhe po hyjmë prapë në një dimër të vështirë. Mendoj që Kuvendi do të duhej të debatojë dhe të sjell rekomandime dhe jo vetëm armiqësi”, tha Zemaj.

Në seancë nuk po marrin pjesë deputetët e Lëvizjes Vetëvendosje.