Aksident mes dy veturave në magjistralen Deçan-Pejë, lëndohen katër persona

Katër persona persona janë lënduar si pasojë e një aksidenti mes dy veturave në fshatin Raushiq në magjistralen Deçan-Pejë.

Zëdhënësi i Policisë së Kosovës për rajonin e Pejës, Fadil Gashi e ka konfirmuar rastin.

“Dy vetura kanë qenë të përfshira në këtë aksident dhe për pasojë katër persona janë lënduar dhe të njëjtit janë dërguar në emergjencë për tretman mjekësor. Në vendin e ngjarjes kanë dalë njësitë policore dhe të hetuesisë për të parë se cilët kanë qenë shkaktarët që kanë quar deri tek ky aksident”, u shpreh Gashi.