Bashkëshorti i Shkurte Fejzës jashtë rrezikut për jetë, Policia jep detaje

Një veturë sot ka goditur një këmbësor në Prizren.

Bëhet fjalë për bashkëshortin e këngëtares, Shkurte Fejza.

Lajmin për Front Online e ka konfirmuar zëdhënësi i Policisë për rajonin e Prizrenit, Shaqir Bytyqi.

“Sot me datë 23.02.2024 rreth orës 10:50 është raportuar për një aksident trafiku. Aksidenti ka ndodhur në rrugën Adem Jashari, deri te  aksidenti ka ardhur kur këmbësori ka qene duke e kaluar rrugën dhe është goditur nga një automjet”, ka thënë Bytyqi.

Sipas tij, viktima ka pësuar lëndime të rënda por jashtë rrezikut për jetë.

Policia ka intervistuar palët e përfshira dhe është njoftuar prokurori kujdestar, me urdhër të prokurorit rasti procedohet me procedurë të rregullt./Front Online