Bled Mane për Ori Nebijajn: Çoni në shtëpi, nuk shkëlqeu kurrë as në Parlament e as tani në Big Brother

Duket se Bledi Manes nuk po i pëlqen Ori Nebijaj si opinioniste në Big Brother VIP Albania 3.

Kjo në bazë të një postimi që ka ndarë me ndjekësit në llogarinë e tij personale, Instagram.

Gazetari dhe ish-opinionisti i BBVK 2 thotë se ajo nuk ka shkëlqyer kurrë as në Parlament e as tani në këtë reality shou.

“Nominoni dhe çoni në shtëpi Ori Nebijajn. Nuk shkëlqeu kurrë as në Parlament e as tani në Big Brother”, u shpreh ai.

I njëjti tutje në postim theksoi: “Më vjen keq Ori”.

Oriela sakaq ka pranuar mandatin e deputetes së Kuvendit të Shqipërisë rreth një vit më parë.

Nebijaj mori mandatin e deputetes së PD-së pas largimit të Grida Dumës. /Telegrafi/