E rëndë: Vdes këmbësori që u godit nga vetura në Fushë Kosovë, s’mundi t’i përballojë plagët
Është ndarë nga jeta këmbësori i cili ishte duke u trajtuar në Qendrën Klinike Universitare të Kosovës (QKUK), si pasojë e lëndimeve të marra nga goditja e një veture në fshatin Brejse të Fushë Kosovës, shoferi i së cilës dyshohet se shkaktoi aksidentin nga pakujdesia. Lajmin e ka bërë të ditur xhamia e Banullës së […]
Është ndarë nga jeta këmbësori i cili ishte duke u trajtuar në Qendrën Klinike Universitare të Kosovës (QKUK), si pasojë e lëndimeve të marra nga goditja e një veture në fshatin Brejse të Fushë Kosovës, shoferi i së cilës dyshohet se shkaktoi aksidentin nga pakujdesia.
Lajmin e ka bërë të ditur xhamia e Banullës së Lipjanit në rrjetin social “Facebook”, duke njoftuar edhe për detajet e ceremonisë mortore.
“Të Allahut jemi dhe te Ai do të kthehemi” Ju njoftojmë se: Ka ndërruar jetë Hazbi Hajriz Salihu nga fshati Banullë Varrimi bëhet me datën 12.12.2023 ditë e Marte në ora 14:00 pas namazit te ikindis në varrezat e lagjes Salihu nẽ fshati Banullë. Zoti e mëshiroftë”, thuhet në njoftimin e tyre.
Siç raportoi Gazeta Sinjali, shoferi i cili dyshohet se shkaktoi këtë aksident është 47-vjeçari, Brahim Gashi.
I njëjti është arrestuar dhe është shoqëruar në stacion policor, ku pas intervistimit me urdhër të prokurorit është dërguar në mbajtje.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
